Нашир қилинган сана: 13.07.2020
Категория: Янгиликлар
“Ифода”нинг узоқ йиллик ҳамкорлари, биргаликда ҳосил етиштириб манфаат топаётган мимришкору фермерлари кўп. Улардан бири Фарғона вилояти Тошлоқ туманидаги “Турдиали Қодиров” фермер хўжалиги. Фермер хўжалик 10 йилдан ортиқ вақт давомида Ифода компанияси агрономлари билан бамаслаҳат иш тутиб, сифатли ҳосил, юксак хирмон кўтариб келмоқда. Бу мавсумда ҳам ғалладан 91 центнердан ҳосил олди. Айни паллада эса, хўжалик ғўза парваришига бор эътиборини қаратган.
– Эрта баҳордан чигитни IFO SEED билан дорилаб экканмиз, – дейди агроном Ҳабибулло Жабборов. – Ундан сўнг илдиз қуртига қарши ENTOVANT PRO препарати билан ишлов ўтказдик. Шунингдек, шира, трипс, ғўза қандаласи, ўргимчаккана каби зараркунандаларга ҳам қарши курашганмиз. Айни пайтда ҳосил нишоналарини кўсак қуртининг зараридан сақлаш ҳаракатидамиз. Биласиз, бу пахтанинг ашаддий душмани ҳисобланади.
Мутахассисларнинг сўзларига кўра, кўсак қурти(ғўза тунлами)нинг 3 та даври бўлиб, ҳозирги вақт охирги, яъни, энг хавфли даври ҳисобланар экан.
– Қўлимдаги феромон ҳақида гапирмоқчиман, жуда самарали экан, – дейди “Турдиали Қодиров” фермер хўжалиги раҳбари Ҳасанбой Қодиров. – Авваллари бошқа феромон-тутқичлардан фойдаланар эдик-да. Шунинг учун бунинг фарқини дарров сездик. Бунинг капсуласида қандайдир бир гап бор-да. Айтишларига қараганда, бунда кўсак қурти капалаги урғочисининг ҳиди бор экан. Шунинг учун, асосан, капалакларнинг эркаги бунга тушар экан.
Ана холос! Бунақа ихтироларни эшитганда, “вой тиниб-тинчимас одамлар-эй, нималарни ўйлаб топишмайди-я!” деб юборади киши. Демак, шу капалаклар ҳам ўз нафсининг қули экан-да. Ҳасанбой ака қўлидаги феромонда кўпгина капалаклар нобуд бўлиб ётганини кўриш мумкин. Мана шунақа текинхўр, тайёрига айёрларни лаққа туширадиган тузоқда бу. Ажаб бўлсин! Ажаб бўлсин, ноинсоф капалаклар!
