Биргаликда етиштирамиз

ЎСИМЛИК БОЛАДЕК ГАП, УНГА МЕҲР ВА ЭЪТИБОР КЕРАК!

Андижон вилояти Пахтаобод туманидаги “Ғулом Қодир” фермер хўжалигига қарашли пахта даласидаги ғўзалар анча яхши ривожланган. Ҳозирда ҳар бир ғўзада ўртача 7-8 тадан кўсак мавжуд. Бу келгусида камида 40-45 центнер ҳосил олиш мумкин дегани. Аслида фермер бундан ҳам ортиқ ҳосил олишни мўлжал қилса бўлади. Негаки, чигитни ерга қадаганидан бошлаб ҳозирги кунга қадар Ифода компанияси агрономлари билан ҳамкорликда иш юритиб, ғўза парвариши, ҳосилни ошириш, касаллик ҳамда зараркунандаларга қарши курашишда зарур ишловларни ўтказиб келмоқда. 

Хусусан, дастлаб чигит турли касаллик ва стресc ҳолатлардан асраш, яхши ривожланишини таъминлаш мақсадида IFO SEED препарати билан дорилаб экилган. Шундан сўнг ўсимлик униб чиқиб, 5-7 чинбарг чиқаргандан кейин озиқлантирувчи воситалар, POTEX, ZEREBRO AGRO ўғитлари ишлатилган. 

– Бу препаратлар ўсимликнинг ривожланишига жудаям яхши таъсир кўрсатди, – дейди агроном Жавлонбек Бўтабоев. – Навбатдаги ишловимиз шоналаш даврига тўғри келди. Бунда IFO UAN, BIGUS ва ANKA SUPER кимёвий воситаларини қўлладик. Охирги ишловимизда эса, таркибида олтингугурт моддаси бўлган IFO SERA препарати билан озиқлантирдик. Ҳозирда ҳолати яхши. Бундан сўнг 70-80 % кўсак чиқарганда, IFO KALIFOS, IFO AMINOMAKS препаратлари билан ишлов ўтказамиз деб турибмиз.

Хўжалик раҳбари Маматрасул ака бу мавсумда ҳар йилгиданда ерга кўпроқ меҳр бераётгани, экинга яхшироқ қараётганини таъкидлайди. Сабаби қишнинг ўз вақтида келмагани ва эрта баҳорнинг серёғин келиши бир қанча касаллик ва зараркунандаларнинг ривожланишига замин яратган.

– Бу йил ҳосилимиз анча яхши бўляпти. Буғдойдан ҳам белгиланган режани ортиғи билан бажардик, эндиги навбат пахтага, – дейди “Ғулом Қодир” фермер хўжалиги раҳбари Маматрасул Отахонов. – 40 йилдан ортиқ шу соҳада тажрибам бор. Ўзим агроном бўлиб ҳам ишлаганман. Энди ўсимлик бу боладек гап-да. Яхши қаров, эътибор, қолаверса, меҳр талаб қилади. Шу меҳримизни шунча йилдан бери ерга, экинга бериб келяпмиз, шукр, кам бўлганимиз йўқ. 

Фермернинг мана шундай кўп йиллик самарали меҳнати ва фаолиятини давлатимиз раҳбари ҳам муносиб тақдирлади: 2017 йилда “Дўстлик” ордени билан мукофотлади.

Бизни кузатишда давом этинг!

👉@ifodapaxtagalla

👉@bogdorchilikifoda

👉@issiqxonaifoda

👉@ifodaagroconsulting